تخيلو لو اتنين سمعهم تقيل يتكلمو مع بعض ايه اللي ممكن يحصل؟؟؟؟
اتنين مصريين سمعهم تقيل جدا واقفين علي محطه الاتوبيس ودار بينهم حوار
الاول: الاتوبيس ده بيروح مصر الجديده؟
الثاني: علي الحديده؟؟ ليه انت طالب احسان؟؟
الاول:بذره الكتان؟؟؟؟؟ لا دي تلاقيها عند العطار
الثاني:جزار؟ اه قولي كده عايز تشتري لحمه
الاول: معاك حق الدنيا زحمه علشان ده ميعاد خروج الموظفين
الثاني: نور الدين؟ لا والله ماعرفوش
الاول: مابتشربوش؟ ليه كفا الله الشر
الثاني: راس البر؟ ده مصيف هادي
الاول:عايز تركب المعادي؟؟؟؟؟ دي منطقه جميله
الثاني: بليله؟؟ انت شكلك جعان
الاول: عيان؟ اه والله انت باين عليك عيان طيب ماتروح للدكتور
الثاني: الحنطور؟؟؟؟ ده احسن من الاتوبيس وبيوصلني لحد الباب
الاول:هباااب؟؟؟؟ وانا اللي كنت فاكرك محترم
الثاني: اتخرم؟؟؟؟ هوه مين؟؟؟
الاول: عاوز اسبرين؟؟ انت عندك صداع؟؟؟
الثاني: قراع؟؟؟ ينهار اسود ده مرض خطير
الاول:فطير لا والله مش عايز وبعدين انا مش بحب الفطير تقيل عالمعده وتمنه غالي
الثاني: خالي؟؟ انت تعرف خالي ده راجل كبير في السن
الاول: الجن؟؟؟!!! نهارك مش فايت........انت عليك عفريت؟؟؟
الثاني: لا والله معاييش انت عايز الكبريت ليه؟ عايز تولع؟
الاول: ادلع ..... ادلع عليك انت؟؟؟؟ انت ماتملاش عنيا
الثاني: يقبضوا عليا ؟؟؟ ليه؟
الاول: انت غريب ياراجل انت شكلك شحات ( يدفعه من القميص) روح اشتغل شغله تاكل منها عيش
الثاني: خيش؟ والله ده صوف انجليزي
الاول:بنتك زيزي ربنا يخلي
الثاني: انتاج محلي ؟؟؟؟؟؟؟ ده مستورد؟؟؟
يمر الشاويش من بتوعنا يلفت انتباهه الحوار , بتعمل ايه ياجدع منك له؟!!!
الاتنين: ايوه ياشاويش ..... احنا مستنين الاتوبيس
الشاويش: جواسيسسس ؟؟؟؟؟؟؟؟؟ نهاركم مش فايت ...... قدامي علي القسم بسرعه.....
موضوع: حوار بين اتنين سمعهم تقييييييل 
الأحد مارس 29, 2009 7:41 am
